Nəzarət-kassa aparatının qeydiyyat vərəqəsi.
Nəzarət-kassa aparatının qeydiyyat vərəqəsi.
Əlavə məlumat
Vergi nəzarəti məqsədilə.
İcazənin verilməsinə görə ödənişin məbləği
Ödənişsiz.
İcazənin verilməsinə tələb olunan günlərinin sayı (müddət tələb olunan sənədlər icazəni verən icra orqana təqdim edildiyi gündən hesablanır)
2 gün.
İcazənin qüvvədə olma müddəti
Müddətsiz.
İcazənin verilməsi üçün tələb olunan sənədlərin siyahısı
1. Ərizə
2. NKA-nın texniki pasportu;
3. Servis Texniki Xidmət Mərkəzinin (bundan sonra STXM) NKA-nın quraşdırılması barədə aktı;
4. Ərizənin təqdim olunma tarixinə NKA-nın fiskal yaddaşının göstəricisini əks etdirən çek.
5. EMQ və ya ENL quraşdırılmalı NKA-lar üzrə STXM-in elektron məsafədən ötürmə qurğusunun və ya elektron nəzarət lentinin quraşdırılması barədə aktı. Həmin akta istifadədə olan nəzarət-kassa aparatının fiskal yaddaşı dəyişdirildikdən və yeni fiskal yaddaşın hesabatı alındıqdan sonra nümunə kimi 10 qəpiyə qədər məbləğdə NKA-ya mədaxil edilmiş dövriyyə barədə “Z” hesabatının surəti əlavə olunmalıdır.
Bu sənədlərlə birlikdə vergi ödəyicisi “NKA-ya texniki xidmət kitabı”nı və “NKA-nın işləmədiyi dövrdə aparılan əməliyyatların uçotu kitabı”nı müvafiq vergi əməkdaşına təqdim edir.
İcazənin hüquqi əsası (icazənin verilmə qaydasını və müddətini tənzimləyən normalar göstərilməklə müvafiq hüquqi aktın adı və nömrəsi)
Azərbaycan Respublikasının Vergi Məcəlləsinin 33-cü və 34 -cü maddələri.
