30 sentyabr 2015-ci il tarixdə Yekaterinburqdakı Beynəlxalq Sərgi Mərkəzində VI Rusiya-Azərbaycan Regionlararası Forumu keçirilimişdir.

Regionlararası forumda Azərbaycandan geniş nümayəndə heyəti ilə iştirak edib.

Rusiya Federasiyası İqtisadi İnkişaf Nazirliyinin və Azərbaycan Respublikası İqtisadiyyat və Sənaye Nazirliyinin  təşkilatçılığı ilə keçirilmiş VI Rusiya-Azərbaycan Regionlararası Foruma muxtar respublika sahibkarlarının iştirakıda da təmin edilmişdir.

Tədbirdə muxtar respublika sahibkarlıq subyektlərindən Babək “Sirab” ASC-nin direktoru, “Ordubad Qənnadı Məmulatları” MMC-nin direktoru, “Alt Trikotaj” ASC-nin direktoru və “Dizayn Holdinq” Şirkətlər İttifaqının nümayəndəsi iştirak etmişdir.

Tədbirdə “Sirab” ASC-nin direktoru ticarət sahəsində fəaliyyət göstərən “БЕСТ” şirkətinin nümayəndəsi ilə muxtar respublikada istehsal olunan “Sirab” mineral suyunun Yekaternburq şəhərinə ixrac olunması,  “Ordubad Qənnadı Məmulatları” MMC-nin direktoru kənd təsərrüfatı məhsulları satışı sahəsində fəaliyyət göstərən ООО “Агросойл” şirkətinin direktoru ilə müəssisədə istehsal olunan məhsulların gələcəkdə Yekaternburq şəhərində satışı, “Alt Trikotaj” ASC-nin direktoru ticarət sahəsində fəaliyyət göstərən “Елисей” şirkətinin satış müdiri ilə müəssisədə istehsal olunan məhsulların Rusiyada satışının təşkili sahəsində danışıqlar aparmışlar.

 VI Rusiya-Azərbaycan Regionlararası Forumu öz işini “dəyirmi masa”larla davam etdirib. Rusiya-Azərbaycan Gənclər Forumu, habelə ekspertlərin “Rusiya-Azərbaycan: ikitərəfli dialoqun inkişafında yeni meyillər, iqtisadiyyat, siyasət, inteqrasiya” mövzusunda görüşü, sənaye sahəsində Rusiya-Azərbaycan əməkdaşlığı, Rusiya ilə Azərbaycan arasında kənd təsərrüfatı, nəqliyyat, turizm, humanitar əlaqələr sahələrində ikitərəfli əməkdaşlığın inkişafı və başqa mövzularda “dəyirmi masa”lar keçirilib.

Forum işini yekun plenar iclası ilə davam etdirib.